கடலுள் மாய்ந்த இளம்பெருவழுதி - தமெக்கென முயலாது பிறர்க்கென முயலும் பெரியோர் உளராதலால் இவ்வுலகம் உளது. இன்றேல், இது மண்புக்கு மாயும் என்ற கருத்தால் - தமெக்கென வாழாப் பிறர்க்குரியாளர் இந்திரர் அமிழ்தம் கிடைப்பதாயினும் அதனைத் தமித்திருந்துண்ணார். யாரையும் வெறார். பிறர் அஞ்சுவ தஞ்சுவர். அஞ்சி அதனைத் தீர்த்தற்கண் சோம்பார். புகழ் பொருட்டுத் தம் உயிரையும் ஈவர். பழியால் உலக முழுதாளும் உயர்வு வரினும் வேண்டார். மனக் கவலையும் கொள்ளார். இவ்வியல்பினோடு பிறர் நலம் பேணும் பெரியோர் உளர். அவரால் இவ்வுலகம் உளதாகின்றது - என்று இப்பாடலைப் பாடியுள்ளார்.