புகைப்படக் கலைஞர் : தாம்பரம் ஆனந்த் - சென்னை.

கூடு கட்டத் தெரியாமல் போனாலும் சுதந்திரமாய்க் கூவித்திரிகிறது பறவை. அனைத்தும் தெரிந்த இவன் அடிமையாய்த் தமிழகத்தில்....

புகைப்படக் கலைஞர் : பேராசிரியர் சங்கீதா - சென்னை.

வயிற்றில் தோளில் முதுகில் சுமக்கிறாள் சின்ன விழிகளை. சுமந்தவளைச் சுமக்குமோ விழி ?

பரிசு பெறுபவர் - அழகி எழுத்துருக்கள் ஆக்கிய விசுவநாதன் - சென்னை.

பாராட்டுகள் வாழ்த்துகள் பரிசளிப்புகள் மனிதனை ஊக்கும். தன்னலம் இல்லாது பாராட்ட மனிதம் வேண்டும்

புகைப்படக் கலைஞர் : தாம்பரம் ஆனந்த் - சென்னை.

மதில் மேல் பூனை..... எங்கு தாவும்? யாருக்குத் தெரியும்?.... யாருக்குத் தெரியாது?.... வினாக்கேட்டவர் இறந்து போனார் பூனை இன்னும் மதில் மேலேயே.

புகைப்படக் கலைஞர் : தமிழ்க்கனல் - பொள்ளாச்சி.

பனையில் எத்தனை வகை பார்த்துப் பார்த்து பெருமிதம் கொண்டார் பனை ஏறும் தொழிலாளி. அமைதியாய்ச் சூரியன் அடிவானத்தில்

புகைப்படக் கலைஞர் : கார்த்திக் - நொய்டா - உத்திரப்பிரதேசம்.

ஒன்றன் மீது ஒன்றாக ஒட்டப்பட்டு கரை நீளத்திற்கு அடுக்கப்பட்ட வீடுகளும் அந்த ஆற்றில்.. இறந்தவர்களை இழுத்து விடுவதும் அந்த ஆற்றில்.. வாழ்ந்தவர்களுக்கும் வாழ்பவர்களுக்கும் ஒரே ஆறு...

புகைப்படக் கலைஞர் : கார்த்திக் - நொய்டா - உத்திரப்பிரதேசம்.

குரங்கு தெய்வம் ஆனபொழுது குரங்கு பெருகியது., சுதந்திரமாய்த் திரிந்தது. குரங்கு குரங்கான பொழுது சாகடிக்கப்பட்டது

புகைப்படக் கலைஞர் : கார்த்திக் - நொய்டா - உத்திரப்பிரதேசம்

மயிலிறகு ஏற்றிய வண்டியே ஆனாலும் குடை சாயும் வள்ளுவர் சொன்னது உண்மைதான். அளவுக்கு அதிகமாக ஏற்றினால்? அரசும் தலைசாயும்.

புகைப்படக் கலைஞர் : கார்த்திக் - நொய்டா - உத்திரப்பிரதேசம்

நடக்கிற அனைத்தையும் மேலே உள்ளவன் பார்த்துக்குவான் சொன்னவன் இதைக் கண்டா? மேலே உள்ளவன் மேலே மேலே ஏறத்தானே பார்க்கிறான். கீழெங்கே பார்க்கிறான் ?

புகைப்படக் கலைஞர் : இரவிக்குமார், கோவை.

குப்பை மூட்டையும் குளிரூட்டிய ஊர்தியும் அருகருகேதான் இருட்டறையில் உள்ளதடா நீதி ஏழை இல்லை எனச் சொல்பவனும் இருக்கின்றானே