புகைப்படக் கலைஞர் : கார்த்திக் இராமலிங்கம், நொய்டா, உ.பி

குப்பையோடு குப்பையாய் குப்பையைக் கிளரி குடும்பம் நடத்தும் இவர் இந்தியாவின் மன்னர்களில் ஒருவர்.

புகைப்படக் கலைஞர் : இரவிக்குமார் - கோவை

உண்டு உறங்கி எழுந்து நடந்து உண்டு உறங்கி எழுந்து நடந்து எதைச் செய்தோம்? எதைச் செய்வோம்? என்று எழுவோம் என்று நடப்போம்

புகைப்படக் கலைஞர் : இரவிக்குமார் - கோவை

உழைத்துக் களைத்து உண்ணும் சோறு.. சூழல் மறந்து ஒருவாய்ச் சோறாய் ஆறிய கஞ்சியாய் அலசிக் குடிக்கினும் அதுவே உணவு.

புகைப்படக் கலைஞர் : கார்த்திக் இராமலிங்கம், நொய்டா, உ.பி

சுட்டெரிக்கும் சூரியனா? சுகம் தரும் குளிர் நிலவா? குச்சியில் கோர்த்த ஒளிர் நிலவா?

புகைப்படக் கலைஞர் : கார்த்திக் இராமலிங்கம், நொய்டா, உ.பி

நிழற்படம் தான் நிழல்களே படமானால் நிழல் எது? படம் எது? தொழில் நுட்பக் கலைஞரிடம் கருவியும் விழிபிதுங்கும்

பெங்களூரில் திறக்கப்படாமல் இருக்கும் திருவள்ளுவர் சிலை - நன்றி : பெங்களூர்த் தமிழ்ச் சங்கம்.

வள்ளுவன் தன்னை உலகினுக்கே தந்து வான்புகழ் கொண்ட தமிழ்நாடு. கர்நாடகாவுக்கு இது பொருந்தாது. கர்நாடகாவும் இந்தியாவில்.

புகைப்படக் கலைஞர் : செந்தமிழினியன், புதுச்சேரி

வேலி முள்ளும் மாங்கொட்டையும் குச்சிகளும் கலைஞனின் கையில் உயர்பெற்று எழும் துடிப்பு காட்டும் வெட்டுபவன் கையில் உயிருள்ள ஆடும்..

புகைப்படக் கலைஞர் : கார்த்திக் இராமலிங்கம், நொய்டா, உ.பி

கணினிக்குள் புகுந்த கண்கள் ஓய்வெடுக்க வேண்டும். வேற்று மாநிலத்தில் சாதனை படைக்கும் நம்மவர்களின் எளிமைத் தூக்கம்.