எந்தக் கட்டணமும் இல்லாமல் எதைப்பற்றி வேண்டுமானாலும் தெரிந்து கொள்ள உதவுவது விக்கிபீடியா. கருத்துகளை உள்வாங்கிக் கட்டுரை எழுதுபவர்களுக்கும், ஆசிரியர்களுக்கும், ஆய்வாளர்களுக்கும் - இது ஒரு கிடைத்தற்கரிய இணையதளம். மிக அதிகமான மக்களால் தேடித்தகவல் பெறும் ஒப்பற்ற தளமாக இது விளங்குகிறது. 9,000,000 க்கும் மேற்பட்ட குறிப்புரைகள் 250 க்கு மேற்பட்ட மொழிகளில் இந்தத் தளத்தில் உள்ளன. ஆங்கிலத்தில் மட்டும் 2,121,387 குறிப்புரைகள் உள்ளன. ஒவ்வொரு நாளும் பல இலட்சக்கணக்காண மக்கள் இந்த இணையதளத்திலிருந்து தகவல்களைப் பெறுகிறார்கள். இந்த இணையதளத்தின் உருவாக்கத்திற்கு 75 ஆயிரத்திற்கும் மேற்பட்ட துடிப்பான கருத்துப் பங்களிப்பாளர்கள் உள்ளனர். இந்த இணையதளத்தில் உள்ள பிழையான தகவல்களை பார்வையாளர்களே திருத்த இயலுகிற வாய்ப்பும் இந்த இணையதளத்தில் உண்டு.

இந்த இணையதளம் உருவாவதற்குத் தூண்டுகோலாக இருந்தது ஜிம்மிவேல்ஸ் என்பவர் உருவாக்கி இருந்த நியூபீடியா என்ற தகவல்களஞ்சியமே.2001 சனவரி 2 ஆம் தேதி பென்குவிஸ், சான்டிகோ, சங்கர் ஆகியோர் இது குறித்துப் பேசி சனவரி 10 இல் இந்தத் தகவல் களஞ்சியத்தை இணையத்தில் வலையேற்றினார்கள். சனவரி 15 விக்கிபீடியா நாளாகக் கொண்டாடப்படுகிறது. இதற்கென ஒரு அறக்கட்டணை அமைப்பும் தொடங்கப்பட்டது. உலகெங்கும் உள்ள ஆர்வலர்களை இணைத்துக் கொண்டு தன் பயணத்தைத் தொடங்கிய விக்கிபீடியா. இது St Petersburg, Florida, United States இல் அமைந்துள்ளது.

புதிய புதிய மாற்றங்களுக்குத் தகுந்தவாறு புதிய செய்திகளை இணைத்துக்கொண்டு மேலெழுந்துள்ளது விக்கிபீடியா. புதிய புதிய தகவல்களை உருவாக்கி இணைத்துக் கொள்வதோடு மட்டுமல்லாமல் - புதிய செய்திகளை உள்ளடக்கிய இணையபக்கங்களுக்கு இணைப்பையும் தந்துள்ளது. Encyclopaedia Britannica, Associated Press, Oxford English Dictionary போன்றவற்றையும் இதன் வழி அறிந்து கொள்ள முடியும். கருத்துகளை இணைப்பதில் எந்த சார்பு நிலையையும் எடுகாது அனைத்துத் தகவல்களையும் இணைத்துள்ளது இதன் சிறப்பு.