ஒரு மனிதரிடமிருந்து மற்றொருவர் ஒரு விவசாய நிலத்தை விலைக்கு வாங்கினார். அந்த நிலத்தை வாங்கியவர் அதில் ஒரு தங்கப் புதையலைக் கண்டார்.

உடனே நிலத்தை விற்றவரிடம் சென்று உனது நிலத்தை மட்டும்தான் நான் வாங்கினேன். அதில் கிடைத்த தங்கப் புதையல் உங்களுக்குக் சொந்தமானது. இதனைப் பெற்றுக் கொள்ளுங்கள் எனக் கூறினார். அதற்கு நிலத்தை விற்றவர் நிலத்தையும் அதிலுள்ளதையும்தான் உனக்கு நான் விற்பனை செய்தேன். எனவே அந்தப் புதையல் உனக்கே சொந்தம் எனக்கு வேண்டாம் எனக் கூறினார். இப்படி இருவரும் மாறி மாறிக் கூறிக் கொண்டிருந்தனர். இறுதியில் அவர்கள் இருவரும் மற்றொரு மனிதரிடம் பஞ்சாயத்துக்குப் போனார்கள். பஞ்சாயத்து செய்பவர் அவர்கள் இருவரையும் நோக்கி...

உங்கள் இருவருக்கும் குழந்தைகள் உண்டா ? என்று கேட்டார். அவர்களில் ஒருவன் தனக்கு மகனிருக்கிறான் என்றார். மற்றவர் தனக்கு மகள் இருப்பதாகக் கூறினார். உடனே பஞ்சாயத்து செய்தவர் அந்தப் பையனுக்கு அந்தப் பெண்ணைத் திருமணம் செய்து வைத்து அந்தத் தங்கப் புதைலிலிருந்து அவர்கள் இருவருக்கும் செலவும் செய்யுங்கள் தர்மமும் செய்யுங்கள் என்றார்.