தமிழ்மொழி வழியே கணினியைப் பயன்படுத்தவேண்டும். தமிழ் அறிஞர்கள் நூல்களை எழுதி அச்சிட்டு நூலகத்திற்கு அனுப்பிவிட்டால் மட்டும் தமிழ்மொழி வளர்ந்து விடாது. உலகின் பல நாடுகளில் இருக்கும் அறிஞர்களும் தமிழ் ஆய்வாளர்களும், இந்த நூல்களைத் தேடிப்படிக்கத் தமிழகத்தில் உள்ள நூலகங்களுக்கு ஒருபோதும் வரப்போவதில்லை. நூல் வெளிவரும் போதே இணையத்திலும், தங்கள் நூல்களைப் பதிவு செய்யவேண்டும். குறுந்தகடுகளிலும் வெளியிடவேண்டும். ...... ஆங்கிலக் காதலால் தமிழுக்குள்ள பெருமையைத் தமிழர்கள் அறியாது உள்ளனர். ஆங்கில மொழியின் உயிரெழுத்துகளின் ஒலி ஒரே சீராக இருப்பதில்லை. put என்ற சொல்லில் u என்ற உயிரெழுத்து உ என்றே ஒலிக்கப்படுகிறது, but என்ற சொல்லில் அதுவே அ என ஒலிக்கப்படுகிறது. ஆக்சுபோர்டு ஆங்கில அகராதியில் ஒவ்வொரு சொல்லுக்கும் பொருள் மட்டுமின்றி. ஒலிப்பும் சொல்லப்பட்டிருக்கிறது. தமிழ் மொழி அகராதிகளில் சொல்லுக்குப் பொருள் மட்டுமே சொல்லப்பட்டிருக்கும். ஏனெனில் தமிழ் ஓர் ஒலியலியன் மொழி. (Phonemc Language) அதனால் தமிழில் எழுத்தும் ஒலிப்பும் வேறுபடுவதில்லை. இத்தகு சிறப்பு உலகில் தமிழுக்கு உள்ளபோது தமிழர்கள் கணினியில் தமிழைப் பயன் படுத்தத் தயங்குவது ஏன் ?........