இந்த இதழில் திரு கார்மேகம் அவர்கள் படித்து மகிழ்ந்த கவிதைகளை இணைத்துள்ளோம். படிப்பதோடு மட்டுமல்லாமல் ஏற்றுக் கொண்ட கருத்தைச் செயற்படுத்த வேண்டும் என்ற துடிப்போடு இயங்குகிற திரு. கார்மேகம் அவர்களை அன்போடு வாழ்த்துகிறோம். கவிதை வரிகள் படிப்பதற்கு, மகிழ்வதற்கு, மேடையில் பேசி கைதட்டல் வாங்குவதற்கு மட்டுமல்ல... இவை நெம்புகோல்களாக இருந்து மக்களை வழிநடத்த வேண்டும் என்பதே நம் தமிழ்ப் பாவலர்களின் எதிர்பார்ப்பு. திரைப்படப் பாடல்களும், கவியரங்கம் மற்றும் பட்டிமன்றப் பாடல்கள் மக்களின் பாலியல் உணர்வைத் தூண்டி வணிகம் செய்வது வருந்துதற்குரியதே. வினை விதைத்தால் வினைதான் கிடைக்கும்.

நீங்கள் படித்து மகிழ்ந்த நல்ல பாக்களை எங்களுக்கு அறிமுகம் செய்யுங்கள். இணையத்தில் இவற்றை வலையேற்றுவதன் மூலம் நல்ல கருத்துகள் உலகம் முழுவதும் பரவலாகட்டும்.

என்றும் அன்புடன்,
பொள்ளாச்சி நசன்,
02 - 12 - 2007