தமிழம் வலை பற்றிய குறிப்பினை தமிழ் கம்ப்யூட்டர் (செப்1-15) இதழில் திரு. சந்திரன் அவர்கள் மிகச் சிறப்பாக எழுதியிருந்தார். எழுதிய சந்திரன் அவர்களுக்கும் வெளியிட்ட தமிழ் கம்யூட்டர் இதழாளர் திரு. க. ஜெயகிருஷ்ணன் அவர்களுக்கும் எனது நெஞ்சார்ந்த நன்றியினைத் தெரிவித்துக் கொள்கிறேன். விடிய விடிய இரவு இரண்டு மணிவரை கூட கணினியின் முன் அமர்ந்து தட்டச்சு செய்து கொண்டிருந்ததற்கு வாழ்த்துவதாக தமிழ் கம்ப்யூட்டர் இதழில் அறிமுகம் செய்த நண்பர்களை அன்போடு வணங்குகிறேன். வாழ்த்துகிறேன்.

இன்று (12-9-04) தமிழம் வலை நூலகம் காண சரஸ்வதி இதழாளர் திரு. விஜயபாஸ்கரன் அவர்கள் வந்திருந்தார். வானம்பாடிக்கு அடுத்ததாக " டமாரம் " இதழைக் குறுவட்டில் பதிவுசெய்தாகி விட்டது. 1950 களில் எட்டு வருடங்கள் தரமாக நடந்த " சரஸ்வதி " இதழைக் குறுவட்டு ஆக்கும் பணியைத் தற்பொழுது செய்து கொண்டிருக்கிறேன். இரண்டாண்டுத் தொகுப்பினை ஒரு குறுவட்டில் பதிவுசெய்து முடித்துவிட்டேன். வெளிநாடுகளில் வாழுகிற இலக்கியவாதிகள் ஆர்வலர்கள் குறுவட்டு வெளியீட்டிற்கான உதவி செய்யலாம். தொடர்ந்து தயாரிக்கும் ஒவ்வொரு குறுவட்டினையும் ஒரு நாட்டில் வெளியிட விரும்புகிறேன். ஆர்வலர்கள் தொடர்பு கொள்ளலாம்.

என்றும் அன்புடன்,