டெக்சாசு நா. கணேசன் அவர்கள் நமது நூலகம் காண வந்திருந்தார். தமிழ் இலக்கியத்தின் மீது பற்றும் மரபுப்பாக்களில் முதிர்ச்சியும் உடைய அவரது ஒவ்வொரு சொற்களும் தமிழின் மீது அவர் கொண்டுள்ள தணியாத வேட்கையைக் காட்டியது. பழைய ஓலைச்சுவடிகள், மரபுப்பாக்கள் ஆகியவற்றைத்திரட்டி, அதனைக் கணினிவழிப் பதிவு செய்கிற செயற்பாடுகளை அவர் விளக்கியபோது நெஞ்சு நிமிர்ந்தேன். தோசை குறித்து அவர் எழுதிய மரபுப்பா இந்த இதழில் வெளியாகியுள்ளது. தமிழ் உணர்வுடன் உலகம் முழுவதும் இயங்குகிற நல்ல உள்ளங்களை நாம் திரட்டுவோம். தமிழுக்கு நம்மால் இயன்ற செயலை நாம் தொடர்ச்சியாகச் செய்வோம்.

என்றும் அன்புடன்,