தமிழ்த் தென்றல் : வே.வ. இராமசாமி அவர்களால் விருதுநகரிலிருந்து வெளியிடப்பட்ட இதழ் இது. முத்தமிழ்ச் சித்திர மலர் என்று அறிவித்து வெளியிட்ட முதலாமாண்டு மலர் இது. 204 பக்கங்களில் தரமாக வெளியிட்டுள்ளது.

" காதொளிரும் குண்டலமும் கைக்கு வலை யாபதியும் கருணை மார்பின்
மீதொளிர் சிந் தாமணியும் மெல்லிடையின் மேகலையும் சிலம்பு ஆர் இன்பப்
போதொளிர்பூந் தாளினையும் பொன்முடி சூ ளாமணியும் பொளியச் சூடி
நீதியொளிச் செங்கோலாய்த் திருக்குறளைத் தாங்குதமிழ் நீடு வாழ்க " என்கிற

சுத்தானந்த பாரதியாரின் தமிழ் வாழ்த்துடன் தொடங்கி ஜி.சுப்பிரமணியப்பிள்ளை, ஞான சவுந்தரி, திருக்குறள் அவதானியார், தெ.பொ.மீ, டி.கே.சி, கி.ஆ.பெ, ரா.பி.சேதுப்பிள்ளை, பெரியர், டிகே.சண்முகம், கோவைக்கிழார் போன்ற தரமான தமிழ்ப் படைப்பாளிகளின் படைப்புகளோடு மலர் வந்துள்ளது. ஒவ்வொரு பக்கத்திலும் தமிழ் எண்களையே வெளியிட்டுள்ளது.