முகம் : மாமணி அவர்கள் சென்னையிலிருந்து தொடர்ந்து, தொய்வின்றி வெளியிட்டுக் கொண்டிருக்கிற திங்களிதழ். இது 255 ஆவது இதழ். ஒவ்வொரு இதழின் அட்டையிலும் மொழி, இன, நாட்டிற்காகப் பாடுபட்டவர்களது புகைப்படங்களை வெளியிட்டு உள்ளே குறிப்பும் எழுதிவருகிறது. இதழிலுள்ள கிந்தனார் பதில்கள் நாட்டு நடப்பைக் காட்டுகிற காலக்கண்ணாடியாக இருப்பவைகள்.

வினா : நான்தான் தமிழுக்குச் சோறு போடுகிறேன், தண்ணீர் ஊற்றுகிறேன் என்று சொல்கிற பல தமிழறிஞர்கள். கவிஞர்கள், எழுத்தாளர்களின் வீட்டுத் திருமணங்களில் உங்களை வரவேற்பது எது ?

விடை : ஆங்கிலம்தான். மணமகன், மணமகள் பெயர்களெல்லாம் ஆங்கிலத்தில். மேலும் காலையில் வடமொழி மந்திரம் ஓதித் திருமணம். மாலையில் வரவேற்பு மட்டும் தமிழில். இசை நிகழ்ச்சியாக இருந்தால் பிறமொழிப்பாடல்கள். தமிழ்த் தொண்டர்களுக்கு உள்ள உணர்வுகூட மேற்படியார்களுக்கு இருப்பதில்லையே. மேற்படியார்களுக்குச் சோறுபோடுவது தமிழ்தான். எப்படி ? - புத்தகம் போட, ஏடு நடத்த, திரைப்பாடல் எழுத, வகுப்பறையில் பாடம் நடத்த, பட்டிமன்றங்களில் "தம்" புடிச்சிப் பேச..... உங்களுக்குச் சோறுபோடும் தமிழ்த்தாயைப் புறக்கணித்தால், ஏழு பிறப்பிலும் நீங்கள்..? !