மருத்துவர் த.இராசேந்திரன், அசுரன் மற்றும் குழுவினரது முயற்சியால் வெளிவருகிற தரமான இதழ் தான் புதிய தென்றல். மக்கள் நலம் கருதி, மக்களைச் சூழுகிற பிரச்சனைகளை மிகத் துல்லியமாக, சரியாகக் கட்டுரைகளாக்கி விழிப்புணர்வு ஏற்றுகிற இதழ் இது. அன்பகம், மூலச்சல், மேக்கா மண்டபம் 629 166 முகவரியாகக் கொண்டு வெளிவருகிறது. இது 5 ஆவது இதழ். தனியிதழ் ரூ10. இந்த இதழில் வேண்டாம் டைட்டானியம் தொழிற்சாலை, இந்தியா அடிமை நாடா?, போலியோவைப் பரப்பும் உலக சுகாதார நிறுவனம், ஹிஸ்டீரியாவும் பில்லிசூனியமும், கல்லாமை இல்லாமை வேண்டும் என்கிற கட்டுரைகள் மிகவும் சிறப்பாக எழுதப் பட்டுள்ளன. கீழா நெல்லி பற்றிய மருத்துவக் குறிப்பும் இடம் பெற்றுள்ளது. புத்தக விமர்சனம், உரை வீச்சு என அனைத்து வகையிலும் மக்களுக்கான விழிப்புணர்வுக் கருத்துகளைப் பதிவு செய்கிற உயரிய இதழ் இது.