உலகத் தமிழர்களிடையே வலம் வரும் மக்கள் மேம்பாட்டு இதழ் எனத் தன்னை அறிவித்துக் கொண்டு திருச்சியிலிருந்து தொடர்ந்து வருகிறது இந்த இதழ். இந்த இதழ் மூன்றாமாண்டின் ஐந்தாவது இதழ். இதழில் கட்டுரை, நேர்காணல், கவிதை என வெளியிட்டு வருகிறது. கடல் கடந்த செய்திகள் இதழில் நிறைய உள்ளன. வெளிநாட்டுத் தமிழர்களோடு தொடர்பு கொண்டு அவர்களைப் பற்றிய செய்திகளை, அங்குள்ள நிகழ்வுகளை வெளியிட்டு வருகிறது. இந்த இதழில் இலங்கை இதழாளர் அந்தனி ஜீவா அவர்களது நேர்காணலை வெளியிட்டுள்ளது. இளைஞர்களுக்கு நம்பிக்கையூட்டும் வகையில் குறிப்புகளை வெளியிட்டு வருகிறது. பிரான்சிலிருந்து வண்ணை தெய்வம் தொடர் எழுதுகிறார். இறுதிப் பக்கம் லேணா பக்கமாக மலர்ந்து வருகிறது.