அம்ருதாவின் இந்த இதழ் இரண்டாம் ஆண்டின் 11 ஆவது இதழாக வெளிவந்துள்ளது. இது நவீன கலை இலக்கிய சமூக மாத இதழ் எனத் தன்னை அறிவித்துக் கொண்டு வெளிவருகிறது. கெளரவ ஆசிரியர் திலகவதி, ஆசிரியர் பிரபுதிலக், சென்னையிலிருந்து வெளிவருகிறது. வலைதள முகவரி www.amruthamagazine.com மின் அஞ்சல் amruthamagazine@yahoo.com - இந்த இதழின் ஒவ்வொரு தலையங்கக் கட்டுரையும், உயர்தரத்ததாக, மக்கள் நலம் நோக்கியதாக உள்ளது. இந்த இதழில் தாகத்தைத் தீராத தண்ணீர் என்ற கட்டுரையை நடப்பியலோடு பொருத்தி எழுதியுள்ளது. பாவண்ணனின் பொங்கல் சிறுகதையும், தோப்பில் முகமது மீரானின் கட்டுரையும் உள்ளது. இந்த இதழில் தொடங்கியுள்ள அரசியலின் கதை என்ற கட்டுரை (மருதன் எழுதியது) மிகச் சிறப்பாக உள்ளது. அரசியல் சாக்கடை தான் என்று ஒதுக்கியது ஒரு காலம். ஆனால் இன்றைய சூழலில் உலக அளவில் அரசியல் காயை நகர்த்தி - பொருண்மிய மேம்பாட்டிற்காக - உயிர்களைப் பலி கொடுத்து - ஆடுகிற ஆட்டம் நேர்மையற்றதாக - அதன் அடிப்படை அரசியலாக இருப்பதை - மிகத் துல்லியமாக - சரியாக - துலாக்கோலாய் - அலசிப் பார்த்துப் பதிவு செய்கிறது இந்தக் கட்டுரை. தொடருகிற இந்தக் கட்டுரை நெருக்குதலில்லாத தொடர்ந்து - பதிவாகி தொகுக்கப் படுமானால் மிகப் பெரிய வழிகாட்டியாக இருக்கும் - வாழ்த்துகள் - படைப்பாளிக்கும் - இதழாளருக்கும்.